KOMANDOLARIQ
Havada, yerdə, suda,
Çayda, dərədə, dağda.
Bir quşqonmaz qayada,
Düşməni haqlayırıq,
Bizlər komandolarıq.
Hər yerdə görünmərik,
Heç kəsə baş əymərik.
Harda savaşda olsaq,
Düşməni məhv edərik.
Bizlər komandolarıq.
Yazı, payızı, qışı,
Biz pusquda durarıq,
Düşmənin həmləsini
Qəfil keçib yararıq.
Bizlər komandolarıq.
Şaxtada, ayazda da,
İstidə, boranda da,
Yuxuya dalanda da,
Vətən, sənə dayağıq.
Bizlər komandolarıq.
Biləyimiz poladdan,
Gücümüz Tanrıdandır.
Amalımız haqdandır,
Zəfərlə qayıdarıq.
Bizlər komandolarıq.
1 noyabr 2012 Əfsanə ƏLƏSGƏRLİ
Bir şərh yazın